Sot në Kuvend do të mbajnë seanca pesë komisione

Para anëtarëve të Komisionit për mbrojtje dhe siguri janë: Propozim-ligji për ndryshimin dhe plotësimin e Ligjit për prokurime publike në fushën e mbrojtjes dhe sigurisë, Propozim-ligji për ndryshimin dhe plotësimin e Ligjit për sigurinë e komunikacionit në rrugë dhe Propozim-ligji për ndryshimin dhe plotësimin e Ligjit për zhvillimin, prodhimin dhe qarkullimin e mallrave ushtarake, të gjitha me procedurë të shkurtuar.

 

Në rend dite të Komisionit për çështje të zgjedhjeve dhe emërimeve janë formimi i Komisionit për përzgjedhjen e kandidatëve për anëtar të Komisioni Shtetëror për Parandalimin e Korrupsionit, si dhe shqyrtimi i kërkesave për realizimin e së drejtës për pagë pas përfundimit të funksionit nga ish-kryetari dhe një ish-anëtar i Komisionit Rregullator për Banim.

 

Në Komisionin për çështje ekonomike, punë dhe politikë energjetike është Propozim-ligji për ndryshimin dhe plotësimin e Ligjit për automjete, me procedurë të shkurtuar.

 

Propozim-ligji për ndryshimin dhe plotësimin e Ligjit për pyjet, me procedurë të shkurtuar, është para anëtarëve të Komisionit për bujqësi, pylltari dhe ekonomi të ujërave.

 

Ndërkaq, para anëtarëve të Komisionit ligjvënës-juridik janë disa propozim-ligje: për ndryshimin dhe plotësimin e Ligjit për prokurime publike në fushën e mbrojtjes dhe sigurisë, të Ligjit për sigurinë e komunikacionit në rrugë, të Ligjit për zhvillimin, prodhimin dhe qarkullimin e mallrave ushtarake, të Ligjit për automjete dhe të Ligjit për pyjet, të gjitha me procedurë të shkurtuar.