Oda e Mjekëve të Maqedonisë, mjekët diskutojnë problemet dhe japin zgjidhje

Në përvjetorin e themelimit të Odës së Mjekëve të Maqedonisë, mjekët debatuan për të gjitha çështjet që i shqetësojnë, për reformat në shëndetësi dhe si ndikojnë ato në punën e mjekëve, si dhe për rolin që duhet të luaj Oda e Mjekëve në të ardhmen.

 

Mjekët  thonë se duhet të jenë më imponues dhe të inkorporojnë idetë e tyre që shpalosen në tubimet e shumta edhe në të gjitha reformat që ndërmerren në shëndetësi.  

 

“Si një organizatë e veçantë dhe profesionale e mjekëve të mjekësisë duhet të  jemi më të bashkuar për mbrojtjen dhe  përparimin e cilësisë së kujdesit shëndetësor, për mbikëqyrjen e sjelljes së punëtorëve shëndetësorë ndaj shoqërisë dhe qytetarëve etj”- deklaroi kryetar i Odës së Mjekëve të Maqedonisë, Koco Cakallaroski.

 

“Në bashkëpunim me Ministrinë e Shëndetësisë dhe me Fondin e  Shëndetësisë, do të përpiqemi që si Odë e Mjekëve të faktorizohemi dhe në të ardhmen të jemi  më koperativ,  më bindës dhe më imponues në Ministrinë e Shëndetësisë  dhe në FSSh, që kërkesat tona të merren parasysh”- tha nënkryetari i Odës së Mjekëve të Maqedonisë, Xhabir Bajrami.

 

Me këtë rast u ndanë edhe mirënjohje për mjekët të cilët me aktivitetin dhe më punën e tyre kanë kontribuar, kanë ndihmuar në përmirësimin e shëndetit të pacientëve, duke filluar nga mjekësia primare deri tek ajo terciare.