Botë
ShBA lehtëson sanksionet për naftën ruse
13.03.2026 12:02
Zelenski ka paralajmëruar se vendimi i ShBA-së për të lehtësuar sanksionet ndaj naftës ruse mund të përbëjë një “goditje reputacioni” për komunitetin ndërkombëtar.,,,
Presidenti i Ukrainës, Volodimir Zelenski, ka paralajmëruar se vendimi i Shteteve të Bashkuara të Amerikës për të lehtësuar sanksionet ndaj naftës ruse mund të përbëjë një “goditje reputacioni” për komunitetin ndërkombëtar.
Zelenski tha se masa e ShBA-së do të ishte një “goditje serioze” për Ukrainën dhe do të krijonte një precedent negativ.
“Vendimi i Departamentit të Thesarit amerikan lejon shitjen e naftës bruto dhe produkteve të naftës ruse që janë tashmë të ngarkuara në anije deri më 11 prill.”.
Ky hap vjen pas rritjes së çmimeve globale të naftës si pasojë e bllokimit të Ngushticës së Hormuzit nga Irani dhe sulmeve ndaj anijeve që transportojnë energji, duke prekur një pjesë të madhe të furnizimeve ndërkombëtare.