Zgjedhjet lokale në Francë, Emanuel Gregori, kryebashkiak i Parisit

Në Paris, socialisti Emanuel Gregori fitoi ndaj rivales konservatore Rahida Dati, duke siguruar vijimin e kontrollit të së majtës në kryeqytet, pas vendimit të kryebashkiakes në largim, Ane Hidalgo, për të mos kandiduar. Fitorja zgjat mbi dy dekada dominim të së majtës dhe konsiderohet një sukses i rëndësishëm për socialistët. E majta shënoi rezultate pozitive edhe në qytete të tjera të mëdha. Në Marsejë, Benoit Pajan u rizgjodh, ndërsa në Lion, kryebashkiaku i të Gjelbërve, Gregori Douset arriti të mbajë postin pas një gare të fortë. Socialistët gjithashtu performuan mirë në disa qytete rajonale, duke sinjalizuar një rimëkëmbje të tyre në nivel kombëtar. Në kampin e qendrës dhe të djathtës tradicionale, rezultatet treguan një situatë të fragmentuar. Ish-kryeministri Eduard Filipe u rizgjodh në Le Havre, duke forcuar profilin e tij për vitin 2027, ndërsa kandidati i kampit të Emanuel Makron fitoi në Bordeaux. Në të kundërt, humbja e François Bayrou në Pau nxori në pah dobësitë e aleancës presidenciale.

 

Pjesëmarrja në votime mbeti relativisht e ulët, me 48.1% deri në orën 17:00, megjithëse më e lartë se në zgjedhjet e vitit 2020. Në tërësi, këto zgjedhje nuk japin një përgjigje të qartë për pasuesin e Makronit në vitin 2027, por tregojnë një panoramë politike ku e majta mbetet konkurruese në qytetet e mëdha, e djathta ruan bazat lokale, qendra kërkon stabilitet, ndërsa e djathta ekstreme vijon të rritet, por ende përballet me kufizime në zonat urbane kryesore.