Gjykata Penale – Shkup, 20 muaj burg për pronarin e “Besa Trans”

 

Prokurori Zoran Zravev në fjalët përfundimtare, kërkoi dënim me burg për Bekim Haxhiun dhe dënim për kompaninë “Besa Trans”, pasi autobusi i aksidentuar kishte kaluar kufirin me licencë të falsifikuar. Por, i akuzuari, Bekim Haxhiu, mohoi fajin, derisa avokati i tij, Asmir Alispahiq, tha se pronari nuk e ka ditur se do t’i kërkohet certifikata e licencës, pasi asnjëherë asnjë doganier nuk e ka kërkuar.

 

Ky rast ka të bëjë vetëm me akuzën për falsifikim të certifikatës së licencës për autobusin e aksidentuar në Bullgari në nëntor të vitit 2021, ku humbën jetën 45 persona dhe 7 të tjerë u lënduan. Palët kanë të drejtë ta ankimojnë vendimin në Gjykatën e Apelit.