Ngrihet aktakuzë për vjedhje të rëndë të kabllove në “Hekuranën” në Shkup

 

Në ditët e para të marsit të këtij viti, nga rrethi i fabrikës “Hekurana” në Shkup, të akuzuarit kanë vjedhur lloje të ndryshme kabllosh me vlerë totale prej 196.500 denarësh, pronë e një personi juridik nga Kavadari. Gjatë vjedhjes është dëmtuar edhe një kabllo që ishte pjesë e instalimit publik elektrik, me vlerë rreth 800.000 denarë.

 

Pasi i kanë ngarkuar kabllot në një automjet dhe janë përpjekur t’i nxjerrin nga rrethi i fabrikës, të akuzuarit janë zbuluar dhe janë privuar nga liria.

 

Me aktakuzën, prokurori publik i ka propozuar gjykatës vazhdimin e masës së paraburgimit për njërin nga të akuzuarit, ndërsa për dy të tjerët mbeten në fuqi masat e kujdesit.