Propozimi-ligji për Këshillin e Prokurorëve Publikë, debat në komisionin amë

 

 

“Me këtë ligj përfshihen reforma thelbësore në më shumë segmente. Reformohet procedura për zgjedhjen e anëtarëve të këshillit të prokurorëve publikë. Përfshihen kritere të qarta dhe transparente. Garantohet përvoja, profesionaliteti dhe integriteti i tyre, sipas shembullit të kritereve të parapara në Ligjin e ri të Këshillit gjyqësor. Në këtë mënyrë garantohet zgjedhje e kuadrove më cilësore. Përfshihen obligime për arsyetim të plotë dhe të argumentuar i vendimeve për zgjedhje, avancim dhe përgjegjësi disiplinore të prokurorëve.”, - theksoi ministri i Drejtësisë, Igor Fillkov.

 

Për të ardhur në vendime cilësore, deputetja Sllavjanka Petrovska propozon që të organizohen debate publike para se procedura të hyjë në Kuvend. Rekomandimet, komentet për përmirësimin e tekstit të propozim-ligjit, grupi parlamentar i LSDM-së do t’i shpalosë në procedura të mëtutjeshme parlamentare.

 

Deputeti Malisha Stankoviq nga Partia Socialiste Maqedonase kërkon që reforma të prekë edhe në ndërgjegjen e anëtarëve të këtij organi juridik.

 

“Të organizojmë debate publike para fillimit të procedurës së përgjithshme në Kuvend dhe kështu do ta tejkalojmë problemin me dorëzimin e amendamenteve.”, - deklaroi anëtarja e Komisionit për Sistem Politik, Sllavjana Petrovska.

 

“Reforma e vërtetë në këtë sektor nuk është vetëm kur të sjellim ligj të ri reformues, por kur të bëhet reformë në ndërgjegjen e njerëzve që do të bëhen dhe janë në këtë moment anëtarë të këtij Këshilli.”, - u shpreh anëtari i Komisionit për Sistem Politik, Malisha Stankoviq. 

 

Ky ligj është pjesë e Agjendës Reformuese, ndërkaq është përgatitur duke marrë në konsideratë rekomandimet e raporteve të Komisionit Evropian dhe të GREKO-s. Propozim-ligji ka marrë mendim pozitiv edhe nga Komisioni i Venedikut, me disa rekomandime, të cilat janë përfshirë në përmbajtjen e tij.