Sulmet izraelite, UNICEF: Më shumë se 370 mijë fëmijë të zhvendosur në Liban

Operacionet e vazhdueshme ushtarake të Izraelit në Liban, të cilat Izraeli thotë se po synojnë grupin Hezbollah të mbështetur nga Irani, deri më tani kanë zhvendosur më shumë se 370,000 fëmijë, thotë UNICEF.

Marcoluigi Corsi, përfaqësuesi i agjencisë së OKB-së në Liban, tha gjithashtu se të paktën 121 fëmijë ishin vrarë dhe 399 të plagosur.

Ai shtoi se afërsisht 20% e të gjithë popullsisë është zhvendosur, ndërsa autoritetet kanë thënë se më shumë se 1,100 njerëz janë vrarë.

Një zyrtar nga agjencia e refugjatëve e OKB-së vlerësoi se rreth 150,000 njerëz janë të izoluar në Liban pas shkatërrimit të urave.

“Kemi parë një retorikë gjithnjë e më shqetësuese në lidhje me aktivitetet në Libanin jugor nga ushtria dhe autoritetet izraelite. Ajo që na duhet vërtet është që integriteti territorial dhe sovraniteti i Libanit të respektohen plotësisht.”, tha ai.