Anketa, Mickoski: Kryesimi, paraqet motiv për punë

 

Kryeministri Hristijan Mickoski në komentin e tij theksoi se Qeveria po bën gjithçka që është në fuqinë e saj për të dhënë rezultate, pavarësisht, siç thotë ai, situatës katastrofike të trashëguar nga qeveria e mëparshme. Ai shtoi se shifrat e sondazheve nënkuptojnë motivim shtesë për të punuar, edhe pse opozita po dërgon mesazhe të gabuara dhe fyese. Mickoski mohon që vendi të shkojë në zgjedhje të parakohshme.

 

“Si VMRO-DPMNE dhe si qeveri, po bëjmë gjithçka që është në fuqinë tonë për të ofruar, dhe unë personalisht, sa më shumë që të jetë e mundur. Fatkeqësisht, situata që trashëguam nga qeveria e mëparshme është e tmerrshme, katastrofike. Gabimet që janë grumbulluar gjatë dekadave dhe politikat e gabuara që kanë pasur një efekt negativ në vend janë të mëdha. Fatkeqësisht, si rezultat i këtyre politikave të gabuara, burimet janë shumë të pakta. Dhe ne punojmë në bazë të prioritete.”, u shpreh kryeministri Hristijan Mickoski.

 

 

Nga LSDM kanë ironizuar anketën duke thënë se rejtingu i VMRO-së rritet në kohën kur çmimi i karburanteve dhe produkteve bazë kanë prekur tavanin. Ata aludojnë se sondazhi matës është bërë nga VMRO – DPMNE.

 

Qytetarët e vlerësojnë pozitivisht dhe besojnë se të gjitha çmimet janë të ulëta”, thuhet në reagimin e LSDM-së.

 

Nga LSDM kanë thumbuar partinë e Mickoskit se qytetarët mbështesin edhe personat favorit të partisë sikurse Haris Gjinoviq, Artan Grubi, Katica Janeva, Boki 13 dhe Bashanoviq.