Provimi i jurisprudencës në gjuhën shqipe, BDI: Ligji i qartë duhet të zbatohet

 

“Ligji për Përdorimin e Gjuhëve është lex specialis dhe si i tillë ai zbatohet drejtpërdrejt dhe ka përparësi në raport me ligjet e tjera. Ky ligj është i qartë, preciz dhe i plotë në situatat që i parasheh, përfshirë edhe përdorimin e gjuhëve për provimin e jurisprudencës, noterisë dhe përmbarimit. Për këtë arsye, çdo iniciativë për harmonizim të ligjeve të tjera me arsyetimin se vetëm pas harmonizimit mund të zbatohet përdorimi i gjuhës shqipe përbën shkelje të rendit juridik dhe relativizim të një të drejte të garantuar me ligj.”, thuhet në kumtesën e BDI-së.

 

 

Por nga radhët e koalicionit VLEN kanë kritikuar BDI-së, duke e akuzuar për hipokrizi dhe mosveprim ndër vite. Kryetari i Komunës së Haraçinës, Daut Beqiri, që vjen nga ky koalicion ka deklaruar se provimi i jurisprudencës historikisht është zhvilluar vetëm në gjuhën maqedone dhe se gjatë gjithë periudhës kur BDI ka qenë pjesë e pushtetit, kjo çështje nuk është ngritur për zgjidhje.

 

“Provimi i jurisprudencës gjithmonë është mbajtur në gjuhën maqedone, të gjithë funksionarët e BDI-së e kanë dhënë provimin në maqedonisht dhe asnjëri ministër shqiptar i drejtësisë nga radhët e BDI-së asnjëherë nuk ngriti nevojën për ta zgjidhur këtë çështje.”, ka deklaruar Beqiri. 

 

Sipas tij problemet e trashëguara nga, keqqeverisja e kaluar janë të shumta, por sipas tij, ato do të adresohen dhe zgjidhen gradualisht.