DAP intensifikon kontrollet: Nuk ka tolerancë për bizneset pa pajisje fiskale

 

“Drejtoria e të Ardhurave Publike për më shumë se një vit ka zbatuar aktivitete të ndryshme dhe kontrolle të intensifikuara në lidhje me regjistrimin e transaksioneve me para në dorë dhe lëshimin e kuponëve fiskalë. Tani njoftojmë se po i drejtojmë kontrollet drejt bizneseve aktive, paguesve të TVSH-së dhe personave që nuk kanë fare pajisje fiskale të regjistruar dhe punojnë në aktivitete ku pagesat me para në dorë janë më të zakonshme, siç janë tregtia, hoteleria, shërbimet turistike, shërbimet ligjore të kontabilitetit, etj. Konkretisht, nga analizat tona detektuam mbi 6 mijë kompani aktive që nuk kanë fare pajisje fiskale të regjistruar, si dhe rreth 14 mijë subjekte në këto aktivitete që as nuk kanë punonjës të regjistruar. Mesazhi ynë është se nuk ka tolerancë për bizneset pa pajisje fiskale.”, u shpreh drejtoresha e DAP-it, Elena Petrova.

 

DAP thekson se mosrespektimi i dispozitave ligjore përbën kundërvajtje, për të cilën parashihen gjoba financiare dhe mbyllje e objekteve afariste, sipas ligjit. DAP u bën thirrje të gjithë tatimpaguesve që realizojnë qarkullim me pagesa në para të gatshme dhe nuk kanë sistem fiskal të regjistruar, të ndërmarrin masa urgjente për harmonizim vullnetar, duke siguruar, instaluar dhe regjistruar pajisje fiskale përmes operatorëve të autorizuar dhe sipas procedurave të përcaktuara.