Djali dyshohet për vrasjen e babait në Gostivar, tentoi të fshehë gjurmët

 

Gjatë ushtrimit të dhunës në familje, në shtëpinë në lagjen Dutllok të Gostivarit, i dyshuari 33-vjeçar me dashje ia ka marrë jetën babait të tij. Pas një mosmarrëveshjeje të mëparshme, ata kanë nisur një debat, pas së cilës djali e ka sulmuar fizikisht babain, duke e goditur me dorë dhe me sende të forta metalike, derisa i ka shkaktuar lëndime të rënda nga të cilat viktima ka ndërruar jetë.

 

Menjëherë pas ngjarjes, i dyshuari ka tentuar të fshehë gjurmët, duke e larë trupin e të ndjerit dhe duke e përgatitur për varrim. Megjithatë, rasti është zbuluar pas një denoncimi nga një qytetar anonim përmes një numri telefoni të huaj, pas së cilës policia ka dalë në vendin e ngjarjes, ndërsa hetim ka kryer edhe prokurori publik, i cili menjëherë ka urdhëruar autopsi.

 

Prokurori publik i ka dorëzuar gjykatësit të procedurës paraprake në Gjykatën Themelore në Gostivar propozim për caktimin e masës së paraburgimit për të dyshuarin, për shkak të rrezikut të arratisjes, si dhe mundësisë për të ndikuar mbi dëshmitarët dhe për të fshehur provat.