Akuza për ndikim në Prokurori, LSDM: Saveski nën diktatin e Mickoskit

 

“Saveski ia mori rastet “Talir 1” dhe “Talir 2”, që kanë të bëjnë me pasurim të paligjshëm partiak, pasuri të fituar në mënyrë të paligjshme dhe për Pallatin e Bardhë të paligjshëm të VMRO-së. Një operacion klasik, me porosi të Mickoskit, për shpëtimin e pasurisë kriminale të VMRO-së, partisë më të pasur në Evropë. Ja pse pushtetit i duhej një prokuror nën kontrollin e tij – për të mbrojtur kriminelët në majat e pushtetit.”, - deklaroi Bogdanka Kuzeska nga LSDM.

 

 

Të vetmit në shtet që u jepnin urdhra organeve të drejtësisë se kush të ndiqet dhe kush të përjashtohet nga rastet gjyqësore janë LSDM, Zaev dhe rrethi i tij, kundërpërgjigjen nga VMRO-DPMNE. 

 

“Dëshmitë e Kadriut, prokurore në ish-Prokurorinë Speciale Publike të Katica Janevës dhe Lençe Ristoska, thoshin se pikërisht Zaev, Sheqerinska dhe njerëz të Oliver Spasovskit shkonin në zyrat e PSP-së dhe vendosnin se kush të gjykohet e kush jo. LSDM duhet ta kuptojë se VMRO-DPMNE kurrë nuk do të sillet si ata.”, theksojnë nga VMRO-DPMNE, duke shtuar se po angazhohen që njerëz priofesionistë të vihen në krye të institucioneve gjyqësore dhe në këtë mënyrë të kthehet besimi i qytetarëve në gjyqësor.