Irani e ShBA-ja marrin draft-propozim për armëpushim

 

Sipas tyre, propozimi vjen nga ndërmjetësues nga Egjipti, Pakistani dhe Turqia, të cilët po punojnë për të ndalur përshkallëzimin e konfliktit. Zyrtarët, që folën në kushte anonimiteti për shkak të ndjeshmërisë së negociatave, thanë se periudha 45-ditore synon të krijojë hapësirë për bisedime të thelluara drejt një armëpushimi të përhershëm.

 

Propozimi u është dërguar të dielën në mbrëmje ministrit të Jashtëm të Iranit, Abas Aragçi, si dhe të dërguarit të ShBA-së për Lindjen e Mesme, Stiv Uitkof, por deri më tani asnjëra palë nuk ka reaguar zyrtarisht. Mbetet e paqartë nëse palët do të pajtohen me këto kushte. 

 

Irani ka insistuar se do të vazhdojë luftën derisa të marrë kompensime financiare dhe garanci se nuk do të sulmohet sërish. Ndërkohë, presidenti i ShBA-së, Donald Tramp, ka paralajmëruar goditje ndaj urave dhe centraleve energjetike iraniane gjatë kësaj jave.