Dy komisione mbajnë seancë sot në Kuvend

 

Para anëtarëve të Komisionit për politikë të jashtme dhe tregti të jashtme do të prezantohen platformat për aktivitetet diplomatike të tre ambasadorëve të jashtëzakonshëm dhe të plotfuqishëm. Në Mbretërinë e Danimarkës vendi do të përfaqësohet nga Fadil Zendeli, në Ukrainë nga Dimitar Blazevski, ndërsa në Shqipëri nga Vele Trpevski.

 

Në Komisionin për mbikëqyrjen e zbatimit të masave për ndjekjen e komunikimeve në rend dite janë Raporti vjetor për punën e Agjencisë Operative-Teknike për vitin 2025 dhe Plani financiar vjetor për vitin 2026 i kësaj agjencie, për mjetet që rrjedhin nga kompensimet e Agjencisë për komunikime elektronike.