Xhejms dhe Ingram, lojtar të javës, Donçiç dhe Jokiç me statistika të jashtëzakonshme

Basketbollistët ballkanas Luka Donçiç dhe Nikola Jokiç përfunduan sezonin e rregullt të Ligës së NBA-së 2025/26 me shifra që tingëllojnë të pabesueshme. Slloveni Donçiç (mesatarisht 33.5 pikë) u bë koshashënuesi më i mirë në ligën e NBA-së dhe ky është titulli i tij i dytë i më të mirë në tre sezonet e fundit.

Ai është gjithashtu lojtari i gjashtë aktiv që ka më shumë se një titull koshashënuesi më i mirë, dhe ky është gjithashtu sezoni i tretë në karrierën e tij në të cilin ai mesatarisht shënon më shumë se 32 pikë për ndeshje.

Nga ana tjetër, Nikola Jokiç (27.7 pikë për ndeshje) i lëvizi përsëri kufijtë e asaj që konsiderohet e mundur për një qendër. Ai e përfundoi sezonin me një mesatare prej 12.9 kërcime për ndeshje (i pari në ligë) dhe 10.7 asistime për ndeshje (gjithashtu i pari në ligë). Kështu, ai u bë lojtari i parë në NBA që kryesoi ligën si në kërcime ashtu edhe në asistime në një sezon që nga sezoni 1969/70.

Ndërsa NBA, ka bërë edhe përzgjedhjen e më të mirëve për javën e fundit të pjesës së rregullt të kampionatit. Basketbollisti i Los Angeles Lakers, LeBron James, u shpall lojtari i javës së Konferencës Perëndimore të Ligës NBA, u njoftua në faqen zyrtare të garës. Javën e kaluar, LA Lakers patën tre fitore dhe një humbje në NBA. James shënoi mesatarisht 24 pikë, 9.7 asistime, gjashtë ribaunde dhe tre vjedhje topi për ndeshje.

Ai u zgjodh lojtari i javës për herë të 70-të në karrierën e tij dhe për herë të nëntë si anëtar i LA Lakers.