Ukraina godet uzinën e amoniakut në Rusi

Mjetet ajrore pa pilot me rreze të gjatë veprimi të forcave të armatosura ukrainase shënjestruan një uzinë kimike në veri të Rusisë, pasi përfundoi një armëpushim 32-orësh për Pashkët Ortodokse.

Objektivi ishte një uzinë amoniaku në Cerepovets, rreth 400 kilometra në veri të Moskës, tha Robert Brovdy, kreu i njësive të dronëve të ushtrisë ukrainase.

Fabrika prodhon qindra mijëra ton amoniak, nitrat amoni dhe acid nitrik çdo vit. Disa nga këto materiale janë të destinuara për prodhimin e eksplozivëve, shtoi ai.

Nga pala ruse, kryetari i bashkisë së Cerepovets, Andrei Nakrasajev, konfirmoi se një uzinë industriale ishte sulmuar, por siguroi se nuk kishte rrezik për qytetin.

Qyteti është rreth 900 kilometra larg kufirit Rusi - Ukrainë.