Ligji për përfaqësim të drejtë dhe adekuat, Mexhiti: Do të ketë Badinter për votimin e ligjit

 

“Besoj se të gjithë deputetët jo maqedonas të cilët e përbëjnë Badinterin janë të interesuar që kjo çështje e cila nuk ka qenë e zgjidhur asnjëherë në formë ligjore, por gojore në formë të partneritetit në Qeveri është mundësia e parë që kjo të zgjidhet në mënyrë ligjore, të ketë ligj të posaçëm dhe nuk kam dilëm se asnjë deputet jomaqedonas nuk do ta shfrytëzojë këtë mundësi pra për ta votuar ligjin që është konformë interesave të bashkësive jo shumicë, jo maqedonase në Kuvend.”, - deklaroi Izet Mexhiti VLEN.

 

 

“Unë jam i besuari i Qeverisë në Kuvend që do ta mbrojë ligjin para deputetëve.”, - theksoi zëvendëskryeministri i parë, Bekim Sali.

 

 

Ndërkohë, Qeveria po punon paralelisht edhe për çështjen e provimit të jurisprudencës, e cila ka nxitur reagime publike dhe protesta studentore, të cilat Mexhiti i konsideron si të drejta dhe me kërkesa reale.

 

“Po punohet, më tepër në Qeveri është i thirrur z. Sali, grupet e punës punojnë në mënyrë intensive, besoj që momentin që do ta kenë zgjidhjen e qartë do të dalin para opinionit për ta absolvuar këtë zgjedhje.”, - u shpreh Izet Mexhiti nga VLEN.

 

Javën e kaluar Qeveria miratoi Ligjin për përfaqësim të drejtë dhe adekuat, një hap që sipas tyre synon t’i japë fund praktikave të deritanishme, të cilat për vite me radhë kanë krijuar padrejtësi dhe paqartësi.