Magyar: Hungaria do ribashkohet me Gjykatën Ndërkombëtare Penale

 

Vitin e kaluar, Viktor Orban filloi procesin për t’i dhënë fund anëtarësimit të Hungarisë në gjykatën me seli në Hagë dhe për t’u bashkuar me SHBA-në, Rusinë dhe Izraelin, ndër vendet e tjera që nuk e njohin GJPN-në.

 

“Unë mund të them që kemi një raport special mes Izraelit dhe Hungarisë. Hungaria është shtëpia e një komuniteti të fortë çifut.

 

Një nga më të mëdhatë në Europë, e cila fatmirësisht jeton në paqe dhe e sigurt. Hungaria ka zero tolerancë ndaj të gjitha formave të antisemitizmit dhe do vazhdojë ta ketë edhe në të ardhmen.

 

Në të njëjtën kohë ne nuk do të bëjmë atë që qeveria e Orbanit ka bërë.

 

Ne do të rifillojmë aksesin në Gjykatën Ndërkombëtare Penale pasi besojmë se kjo është në interesin e të dyja palëve, të komunitetit internacional dhe të Hungarisë”, tha Magyar.