Atlético Madrid dhe PSG në gjysmëfinale të Champions League

Mbrëmja e fundit në UEFA Champions League solli dy emrat e parë gjysmëfinalistë, me Atlético Madrid dhe Paris Saint-Germain që siguruan kualifikimin pas ndeshjeve çerekfinale.

 

Atlético Madrid arriti të menaxhojë avantazhin nga ndeshja e parë dhe, pavarësisht humbjes 2-1 në kthim ndaj FC Barcelona, kaloi më tej falë rezultatit të përgjithshëm. Skuadra e Diego Simeone tregoi edhe një herë forcën në ndeshje të mëdha, duke mbajtur kontrollin në momentet vendimtare.

 

Në anën tjetër, Paris Saint-Germain nuk la vend për surpriza ndaj Liverpool FC. Parisienët triumfuan bindshëm 2-0 në ndeshjen e kthimit, duke vulosur kualifikimin me rezultat të përgjithshëm 4-0. Protagonist i sfidës ishte Ousmane Dembélé, i cili realizoi dy gola dhe udhëhoqi ekipin drejt fazës tjetër.

 

Me këto rezultate, Atlético Madrid dhe PSG presin tashmë kundërshtarët e tyre në gjysmëfinale, në një garë që po hyn në fazën më vendimtare të sezonit. (Gazetar: Amir Duraku)