Liderët e bashkësive fetare: Të çrrënjoset mosdurimi fetar

 

“Nuk e dimë nëse janë terrorist apo huliganë, por është fakt se shteti islamik kishte shpallje që për festën e  pashkëve t’u vihet flaka objekteve fetare krishtere dhe objekteve fetare hebrenje.”, - deklaroi kryetari i Bashkësisë Hebrenje në RMV, Pepo Levi.

 

“Unë vlerësoj dhe e them me përgjegjësi se elemente të këtilla nuk e kanë origjinën nga asnjë religjion në Maqedoninë e Veriut. E kush janë dhe çka janë ata, institucionet tona përgjegjëse duhet të kujdesen dhe t’i gjejnë kryerësit.”, - theksoi kryetari i BFI-së, Shaqir Fetai.

 

Krerët e bashkësive fetare me këtë rast theksuan se derisa bota është në kaos, me qindra e mijëra viktima nga luftërat, një vend i vogël si Maqedonia patjetër të angazhohet për ruajtjen e paqes dhe bashkëjetesës. Ndërkohë organet e rendit po hetojnë rastin e 12 prillit kur dy persona e kaluan rrethojën e objektit fetar hebrenj në Shkup dhe tentuan që me lëndë djegëse t’ia vënë flakën.