Irani mohon: Asnjë delegacion nuk është dërguar në Pakistan

Postimi në Telegram thotë se këto janë "thashetheme" të përhapura nga mediat ndërkombëtare dhe burimet rajonale, të cilat spekuluan për kohën e mbërritjes ose largimit të ekipit negociator iranian. Në të njëjtën kohë, përsëritet qëndrimi zyrtar i Teheranit se Irani nuk do të pranojë bisedime që po zhvillohen "nën kërcënim", një qëndrim i shprehur më parë nga zyrtarë të lartë iranianë, përfshirë kryetarin e Parlamentit dhe kryenegociatorin, Mohamad Bagher Galibaf. Ky mesazh vjen në një kohë pasigurie të shtuar diplomatike mbi një raund të ri të mundshëm negociatash midis Iranit dhe Shteteve të Bashkuara, për të cilat ndërmjetësit nga Pakistani kishin sinjalizuar më parë përparim të mundshëm.