Debat në Kuvend për zbatimin e masave institucionale për parandalimin dhe mbrojtjen nga dhuna në familje

 

Fjalim hyrës në debatin mbikëqyrës do të mbajë kryetarja e Komisionit për mundësi të barabarta të grave dhe burrave, Zhaklina Peshevska.

 

Sipas agjendës, në debatin mbikëqyrës do të marrin pjesë zëvendësministri për politikë sociale, demografi dhe rini Gjoko Velkovski, ministri i Shëndetësisë Azir Aliu, sekretarja shtetërore në Ministrinë e Arsimit dhe Shkencës, Elena Ivanovska, këshilltari shtetëror në Ministrinë e Drejtësisë Nikola Prokopenko, drejtoresha e IP Enti për Veprimtari Sociale, Shkup, Dushanka Petrova, drejtori i Agjencisë për Shërbime Mediatike Audio dhe Audiovizuale, Zoran Trajçevski, Ana Avramovska-Nushkova nga Rrjeti Kombëtar kundër Dhunës ndaj Grave dhe Dhunës në Familje, Sebajete Zenku nga Qendra për të Drejtat e Grave “Etika” Gostivar, Vesna Matevska, udhëheqëse e programit për dhunë me bazë gjinore – HERA – Asociacioni për Edukim dhe Hulumtim Shëndetësor, si dhe Maja Atanasova nga Shoqata Maqedonase e Juristëve të Rinj.