Komiteti për Investime Publike, mekanizëm i ri për projektet kapitale

 

“Për herë të parë po fillojmë një praktikë të re, praktikë evropiane, ku të gjithë ne do të kemi mundësi që ta shohim realizimin e investimeve të mëdha publike apo projekte kapitale. Shuma e përgjithshme që në këtë moment është pjesë e këtij dokumenti është diku rreth 200 miliardë denarë, ose 3.3 miliardë euro për periudhën e ardhshme 5-vjeçare.  Pjesa më e madhe e këtyre mjeteve janë të lidhura me ndërtimtarinë dhe nëse këtë shifër e ndajmë në 5 vite në mënyrë proporcionale, do t’i bie mbi 600 milionë euro për secilin vit. Qëllimin të cilin e vendosim është i qartë: çdo denar nga buxheti të drejtohet aty ku krijon vlerën më të madhe.”, - deklaroi kryeministri i RMV-së, Hristijan Mickoski.

 

Ministrja e Financave Gordana Dimitrieska Koçoska, theksoi se kjo është metodë e re e organizimit dhe sjelljes së vendimeve për projektet e mëdha kapitale, të cilat kapin vlerën e mbi 5 milionë eurosh.

 

“Bëhet fjalë për një metodë të re të organizimit dhe sjelljes së vendimeve, kur të bëhet fjalë për projektet kapitale të cilat janë në vlerë mbi 5 milionë euro. Pra, sot flasim për projekt-ide, të cilat do të jenë në listën përfundimtare, por jo për projekte për të cilat tanimë janë siguruar mjetet buxhetore, por vetëm projektet ku anëtarët e Komitetit mendojnë se janë të rëndësishme dhe me prioritet.”, - theksoi ministrja e Financave, Gordana Dimitrieska Koçoska.

 

Sipas kryeministrit Mickoski dhe ministres Dimitrieska Koçoska, lista e ideve të projekteve që po shqyrtojmë janë: në transport, për hekurudha moderne, lokomotiva të reja elektrike, rindërtim të segmenteve dhe lidhje përmes korridoreve 8 dhe 10; në arsim, përfundimin e objekteve të Fakultetit për Edukatë Fizike, Sport dhe Shëndet, si dhe Universitetit “Nënë Tereza”; në shëndetësi, investimet në spitalet klinike rajonale në Tetovë, Shtip dhe Kërçovë; në transformimin digjital, krijimin e një qendre shtetërore të të dhënave; në energjetikë, projekte që forcojnë pavarësinë energjetike.