Presidenti zviceran në Shkup, mbështetje perspektivës evropiane të vendit

 

“Integrimi evropian, siç tha presidentja, mbetet faktor kyç për paqen dhe prosperitetin e Ballkanit Perëndimor.  Zvicra për së afërmi ndjek perspektivat evropiane të këtyre vendeve dhe i mbështet në masën që është interes yni. Programi zviceran për bashkëpunim ka për qëllim që ta mbështesë Maqedoninë e Veriut drejt integrimit evropian dhe zhvillim afatgjatë.”, - deklaroi presidenti i Konfederatës Zvicerane, Gi Parmelan.

 

 

Kryetarja e shtetit, Siljanovska Davkova, ashtu si në fjalimet e përditshme, nënvizoi rëndësinë e kushteve të Kopenhagës kur bëhet fjalë për integrimin e vendit. Ndërkohë shtoi se nga shteti zviceran mund të mësohet modeli i një vendi të vogël shumëgjuhësor, demokracia dhe tejkalimi i dallimeve.

 

“Potencova rëndësinë e kushteve të Kopenhagës për evropianizimin tonë. Konkludova se kjo është shtëpia jona natyrore, dhe se gjeografikisht, kulturalisht kemi qenë pjesë e Evropës dhe aty e kemi vendin. Atë që kërkojmë është që të trajtohemi si të tjerët, të koncentrohemi në sfidat reformuese dhe mos ta humbim energjinë në çështje iracionale.”, - theksoi kryetarja e shtetit, Gordana Siljanovska Davkova.

                            

Mes dy bashkëbiseduesve është folur edhe për thellimin e bashkëpunimit në fusha të ndryshme, si në arsim, kulturë e sport. Si president i parë zviceran që viziton vendin tonë që nga pavarësia, Parmelan është takuar edhe me zyrtarë tjerë shtetëror.