Imunizimi i fëmijëve në Kërçovë, Qerimi: Mbulesa me vaksinim mbi 90%

 

Sipas të dhënave për vitin 2025, Qerimi thotë se mbulesa me vaksinim ka qenë shumë e lartë, mbi 90% në shumicën e rasteve, dhe i njëjti ritëm po vazhdon edhe në vitin 2026. Ajo u bën thirrje prindërve të kontrollojnë statusin e vaksinimit të fëmijëve dhe të respektojnë kalendarin e imunizimit.

 

“Gjatë fushatës së imunizimit përfshihen të gjitha vaksinat të cilat janë të parapara në kalendarin e rregullt të vaksinimit, fillohet prej te të posalindurit ku bëjnë pjesë vaksinat parashkollore dhe pastaj prej klasës së parë fillon vaksinimi shkollorë i cili përfundon në moshën 18 vjeçare. Në bazë të të dhënave që i kemi për vitin 2025 mbulesa me vaksinim ka qenë shumë e mirë. Në shumicën e rasteve është mbi 90%, 95%, 96% dhe po i njëjti intensitet i punës vazhdon të kryehet edhe gjatë vitit 2026. Ne apelojmë te çdo qytetarë sidomos te prindërit që të kontrollojnë statusin e vaksinimit të fëmijëve të tyre dhe të respektojnë kalendarin e rregullt të vaksinimit.”, u shpreh drejtoresha e Shtëpisë së Shëndetit – Kërçovë, Jeta Qerimi.