Lodra për fëmijët e “Lagjes së trimave”

Në njërin nga oborret e shtëpive të lagjes, Këshilli i Emergjencës ndau një donacion me lodra për fëmijë.  

 

Ndërkohë që edhe më tej për popullatën e dëmtuar në “Lagjen e trimave” vazhdojnë të arrijnë ndihma financiare si nga vendi po ashtu edhe nga diaspora shqiptare. Donacioni fundit i arritur është nga Danimarka.

 

Nga ana tjetër, rregullimi i kanalizimit në “Lagjen e trimave”, i filluar ditë më parë, pritet të përfundojë së shpejti. Këtë na e konfirmoi zëvendësdrejtori i Ndërmarrjes Publike “Vodovod”, Faruk Aliti, i cili kishte ardhur për së afërmi të përcjellë punimet në këtë projekt. 

 

Në “Lagjen e trimave”, një muaj pas konfliktit të armatosur po bëhen përpjekje të pareshtura për normalizimin e jetës.