Bullgaria bëhet me Qeveri, Mickoski: S’presim zbutje raportesh, LSDM-ja përkulet

 

 

“Nuk pres përmirësim, sepse derisa ka kotele nga LSDM-ja që përkulen, që i shesin interesat nacionale, nuk pres përmirësim. Në vend se të rreshtohen me ne dhe të luftojnë për interesat nacionale, këto kotele janë vendosur që të përkulen atje. Sa i përket zotëri Radevit, sapo fitoi iu lajmërova, e urova dhe i dëshirova që të kemi marrëdhënie fqinjësore të suksesshme, dhe, shpresoj se me këtë qeveri do t’i përmirësojmë marrëdhëniet fqinjësore dhe të bisedojmë për temat që duhet biseduar.”, - deklaroi kryeministri, Hristijan Mickoski.

 

 

Edhe presidentja e shtetit, Siljanovska Davkova, me besim se përfundimisht në fqinjin lindor po sigurohet bashkëbisedues stabil për të biseduar, por si do të vijojnë negociatat, varet nga politikanët bullgarë, tha e para e shtetit.

 

“E di se populli bullgar pret stabilitet, reforma, luftë kundër krimit dhe korrupsionit. Deri më tani qeveritë ishin jostabile, nuk kishin përgjegjësi, i ngjanin republikave të treta, të katërta franceze, ndërkaq ne do të kemi bashkëbisedues stabil më të cilin do të mund të bisedojmë. Unë mund të them se përherë me mirëbesim bisedoj, por, a pres përmirësim të raporteve, do të varet nga bashkëbiseduesit.”, - theksoi presidentja e shtetit, Gordana Siljanovska Davkova.

 

Fitorja e Rumen Radevit në zgjedhjet parlamentare të prillit 2026 në Bullgari shënon një rëndësi politike për vendin tonë, por, megjithatë, pritshmëritë për një përparim të shpejtë në raportet mes Sofjes dhe Shkupit mbeten të ulëta, duke i ditur mosmarrëveshjet për gjuhën, kulturën dhe identitetin mes dy shteteve, si dhe përfshirjen e bullgarëve në Kushtetutë, që i hap rrugën zhvillimit të negociatave me BE-në.

 

Përkujtojmë deklaratat e mëhershme të Radevit, kur ka thënë se Shkupi mund të përparojë drejt integrimit, vetëm nëse zbaton kërkesat e kompromisit të vitit 2022, nën vendimin e Bashkimit Evropian.