Shfrenimi i shpërthimit të Ebolës, ShBA: Të zhvendosen një numër i qytetarëve

 

Sipas OBSh-së, deri tani janë raportuar të paktën 80 viktima të dyshuara, tetë raste të konfirmuara në laborator dhe 246 raste të dyshuara në provincën Ituri në verilindje të Kongos. Ndërkohë, në Ugandë janë konfirmuar dy raste, mes tyre edhe një viktimë në kryeqytetin Kampala. Qendrat për Kontrollin dhe Parandalimin e Sëmundjeve njoftuan se po bashkëpunon me autoritetet për të zhvendosur një “numër të vogël” amerikanësh që mund të jenë ekspozuar ndaj virusit. Ekspertët paralajmërojnë se shpërthimi mund të jetë shumë më i madh nga sa tregojnë shifrat aktuale.

 

Sipas OBSh-së, niveli i lartë i rasteve pozitive dhe përhapja në disa zona shëndetësore tregojnë rrezik serioz për zgjerim të epidemisë. OBSh-ja dhe organizata humanitare si Médecins Sans Frontières kanë dërguar ekipe emergjente dhe rreth shtatë ton pajisje mjekësore në qytetin Bunia për të ndihmuar në përballimin e situatës. Mes viktimave të dyshuara raportohen edhe katër punonjës shëndetësorë, duke rritur frikën për përhapje brenda spitaleve dhe komuniteteve.