KHF Çair nënkampione, KHF “GJ.Petrov” kampione të vjetra-të reja të Maqedonisë!
Tre javë para se të përfundojë zyrtarisht kampionati vendor në hendboll për vajza, skuadra e “Gjorce Petrovit”, ka siguruar titullin kampion, ndërsa skuadrës së Çairit, do ti takojë titulli i nënkampioneve...
KHF “Gjorçe Petrov”, është kampione e vjetër-të re e Maqedonisë në hendboll, duke fituar titullin e 22-të dhe për herë të pestë radhazi.
Skuadra nga paralagjeja e kryeqendrës me të njëjtin emër e mposhti Astibon me rezultat 46-24, ndërsa me pikët zyrtare të mara nga ndeshja kundër Metalurgut nga Autokomanda e Shkupit, matematikisht e kanë siguruar titullin kampion për sezonin 2025/26.
Trofeu për titullin kampion do j’u dorëzohet në ndeshjen e fundit si vendas kundër Spartakut. Kjo skuadër në përballjen e javës së 25-të të Superligës, e bëri një befasi të madhe pasi e mposhti KFH Çair.
Me një lojë të shkëlqyer në pjesën e dytë, Spartaku përmbysi rezultatin dhe iu gëzua fitores me 26:21 ndaj tani më nënkampioneve.
Tre xhiro para përfundimit të sezonit, matematikisht tashmë dihet se cila skuadër cilën pozitë do të mbajë në renditje.
“Gjorçe Petrov” e siguroi titullin e pestë radhazi kampion, ndërsa vashat nga Çairi, do ta përfundojë sezonin në pozitën e dytë dhe do të mbajnë epitetin e nënkampionit. Pas këtyre dy skuadrave kryesuese në tabelën e femrave renditen: Vardari, Kumanova, Spartaku, Astibo dhe Pelisteri. (Safet Ademi, TVM2)