Maran: Ëndrra jonë është Botëror

 

“E kam ndjekur nga afër kombetaren shqiptare.Ëndrra juaj dhe e imja është të shkojmë në Botëror, të arrijmë të sjellim rezultatet që të gjithë i dëshirojmë. Me bindje dhe profesionalizëm, me një grup të bashkuar dhe me pak fat, kjo mund të arrihet. Është një skuadër me karakteristika të mira. Duhet të jemi bashkë: një ekip ndërtohet nga lojtarë cilësorë, por edhe nga ata që sakrifikojnë. Ka veçanti në këtë skuadër dhe mund të punojmë shumë mbi to.”, u sjpreh trajneri i ri i Shqipërisë, Rolando Maran.

 

 

Presidenti i Federatës Shqiptare të Futbollit, Armando Duka gjatë prezantimit të trajnerit të ri të Kombëtares shqiptare, Rolando Maran tha se “objektivat janë të qarta, duam të jemi pjesë e botërorit në 2030-ën”. Ai foli edhe në lidhje me largimin e Sylvinhos, që largohet me konsensus dhe respekt. 

 

“Po nisim me një trajner jo të ri në moshë, por me energjinë e duhur dhe eksperiencën e nevojshme siç është Rolando Maran. Kombëtarja jonë e ka vendosur stekën apo nivelin aty ku dëshirojmë dhe objektivat mbeten vendi i parë në Nations League dhe kualifikimi në Euro 2028 dhe më pas për të qenë pjesë e Botërorit 2030.”, u shpreh presidenti i FSHF-së, Armand Duka.

 

Italiani Maran, 62 vjeç, ka një eksperiencë mbi 20-vjeçare në trajnim mes Serisë A dhe B. Ai ka drejtuar skuadra të ndryshme në Itali, së fundi Breshian. Rolando Maran ka firmosur një kontratë 2-vjeçare deri në vitin 2028 dhe me vete ka marë edhe ndihmësin e tij besnik që e ka shoqëruar kudo. Bëhet fjalë për 56 vjeçarin Kristian Maraner. Emërimi i Maran vjen pas vendimit për të mos rinovuar me ish-trajnerin Sylvinho dhe shënon fundin e një prej kapitujve më të bukur të futbollit shqiptar. Braziliani arriti të ndërtonte një skuadër solide, duke na kualifikuar në Europianin e Gjermanisë me një rrugëtim fantastik. (Gazetar: Safet Ademi)