Talanda vendos rekord botëror në zhytje të lirë

Polakja Magdalena Solich Talanda bëri histori në ditën e parë të Kampionatit Botëror të Zhytjes së Lirë që po mbahet në Budapest, duke vendosur një rekord të ri botëror në disiplinën “Zhytje dinamike në apnea me bifina” (DYNB).

Ajo arriti një zhytje të jashtëzakonshme prej 270 metrash me vetëm një frymëmarrje. Ky është rekordi i saj i nëntë botëror në këtë sport që nga viti 2016.

Me 222 zhytës nga 59 vende pjesëmarrëse, dita e parë e kampionatit solli 15 rekorde kombëtare në kategoritë e meshkujve dhe femrave.