Maqedoni
Shëndetësi, mbi 650 pacientë presin për implantimin e ijeve
04.06.2026 14:14
Mbi 650 pacientë në vend aktualisht presin për implantimin e ijeve artificiale...
Mbi 650 pacientë në vend aktualisht presin për implantimin e ijeve artificiale, por një rritje e konsiderueshme e numrit të këtyre ndërhyrjeve është regjistruar në tre institucionet kryesore të shëndetit publik, informoi drejtori i Fondit për Sigurim Shëndetësor. Ai theksoi se në periudhën nga viti 2023 deri në vitin 2025 janë kryer gjithsej 4.044 ndërhyrje në 14 institucione të shëndetit publik, që përfaqëson një rritje prej 9.9 për qind, me ç'rast vlerësohet se Maqedonia është solide në zëvendësimet e legenit, por ende mbetet prapa rajonit në gjunjë.
"Këto shifra konfirmojnë se qasja në operacionet e zëvendësimit të ijeve dhe gjurit po përmirësohet ndjeshëm. Hapja e blloqeve operative të Qendrës Klinike dhe Spitalit “8 Shtatori” dhe zhvillimi i mëtejshëm i artroplastikës së gjurit po vijnë.", - deklaroi drejtori i FSSh-së, Sasho Klekovski.
Duke iu përgjigjur pyetjes gazetareske në lidhje me listat e pritjes së pacientëve në klinikat shtetërore, drejtori vuri në dukje zakone specifike midis vetë pacientëve.
"Po, është e vërtetë, listat e pritjes janë siç janë, ndër të tjera në “8 Shtator” dhe në klinikë, sepse pacientët duan të operohen nga një kirurg i caktuar dhe jo nga dikush që mund të ketë termin të lirë.", - theksoi drejtori i FSSh-së, Sasho Klekovski.
Kreu i FSSh-së paraqiti disa rekomandime kryesore që përfshijnë tenderë të rregullt katër muaj para skadimit të kontratave, kuadër për prokurim, standardizim të qëndrimeve në spital dhe futjen e një regjistri të centralizuar me një periudhë maksimale prej tre muajsh për ndërhyrjet jourgjente.
VLORA LATIFI TOPOJANI