8 vjet nga Marrëveshja e Prespës, Bilalli: Akt i guximit politik

 

“Marrëveshja si akt është një guxim politik i një strukture apo vetëdije mentaliteti politik, i cili stagnonte për dekada dhe ja tani stagnon për çështje të cilat nuk janë të njohura në historinë dhe popujt e mesjetës që bisedohet për identitet, dhe tani 207 shtete janë anëtare dhe të bisedojnë për identitet të ndonjë populli. Është rast i vetëm, për fat të keq ne kemi qenë ndër të parat dhe kemi mund menjëherë pas Sllovenisë të kyçemi dhe tani të kemi standard shumë më të lartë se Polonia, e cila ka diku rrogë mesatare për afër 2.000 euro. A realisht 20 vite më parë ata kanë pas 10 herë rrogë më pak se Maqedonia, pra dikush ta fusë në kokë dhe ta trajtojë këtë problem është e habitshme se nuk është çështje diskutimi.”, - deklaroi eksperti i Marrëdhënieve Ndërkombëtare, Mersel Bilalli.

 

 

Sipas Bilallit, pengesat në procesin e integrimit nuk lidhen vetëm me mungesën e kapaciteteve qeverisëse, por edhe me interesa të caktuara që nuk favorizojnë vendosjen e një sistemi funksional.

 

“Derisa është kjo strukturë, e cila nuk do të kisha thënë se vetëm i mungon kapaciteti pushtetar, unë mendoj se ka edhe një pjesë të prapavijës e cila është e shëmtuar, pra dëshira që kishte mos integroheshim, sepse vihet një rend funksional ku korrupsioni, partizimi duhet të hidhen poshtë, dikujt kjo nuk i konvenon. Korrupsioni, krimi i organizuar, partizimi i shumë segmenteve dhe keqpërdorimi i pushtetit, pra është mënyrë e menaxhimit është krijuar këtu në rutinë të përgjithshme, prandaj unë mendoj se edhe atëherë nuk ka qenë çështja e emrit edhe tash nuk është çështja e identitetit. Kjo është absurde, i vetmi rast në 1.000 vjet që diskutohet për pranim të identitetit që nuk është e njohur, por është prapa asaj, pra prapa perdes fshihet manipulimi, qëllimi i caktuar i tre segmenteve, të cilat i përmenda dhe jo rastësisht kemi deklarata nga persona më përgjegjës se “derisa unë të jem kjo, nuk do të ndodhë”. Ky komunikim po ashtu nuk është i njohur në të drejtën diplomatike, që unë e kam zhvilluar në tre-katër universitete si lëndë.”, - theksoi eksperti i Marrëdhënieve Ndërkombëtare, Mersel Bilalli.

 

 

Bilalli vlerëson se përfshirja e bullgarëve në Kushtetutë nuk duhet të shihet si pengesë, por si një hap pozitiv që dëshmon përkushtimin e shtetit ndaj barazisë dhe të drejtave të komuniteteve etnike. Ai thekson se njohja dhe mbrojtja e komuniteteve më të vogla etnike është standard demokratik dhe një vlerë e përbashkët evropiane.