Takim ministror i NATO-s, shpenzimet dhe Ukraina në fokus

 

Uashingtoni insiston në zbatimin e konceptit të ri të Aleancës, sipas të cilit Evropa duhet të marrë përgjegjësi më të madhe për mbrojtjen e vet brenda NATO-s. 

 

Sekretari amerikan i mbrojtjes Hegset ka deklaruar se: “Pakti duhet të rikthehet në një aleancë të fortë ushtarake me kapacitete reale ushtarake, e aftë të parandalojë kërcënimet pikërisht këtu në kontinent dhe të marrë rolin udhëheqës në mbrojtjen konvencionale të Evropës. Shumë obligime u morën në Samitin e Hagës. Disa vende ende duhet të bëjnë më shumë dhe ne do të jemi të sinqertë për këtë, si privatisht ashtu edhe publikisht. Mendoj se kjo është e rëndësishme. Miqtë janë të sinqertë me miqtë.”, deklaroi Hegset, sekretar i Mbrojtjes i SHBA-së. 

 

Sekretari i Përgjithshëm i NATO-S Mark Rutte, deklaroi se reduktimi i pjesëmarrjes amerikane në forcat e krizës të NATO-s ka nisur të zbatohet. 

 

“Si mjet planifikimi, duhet ta marrim parasysh faktin se SHBA-ja po i zvogëlon kontributet e saj, ende të konsiderueshme, por disi më të ulëta se në të kaluarën. Ajo që po shihni është se evropianët tani po e mbushin këtë boshllëk.”, deklaroi Rutte. 

 

Ndërkohë, liderët e G7-ës ranë dakord të rrisin furnizimin me kapacitete të mbrojtjes ajrore për Ukraine.