Ekonomi
Qeveria shqyrton ribalancin e buxhetit
23.06.2026 11:39
Sot në seancën e rregullt të Qeverisë po shqyrtohet ribalanci i buxhetit, një hap kyç për rregullimin e planit financiar të shtetit...
Sot në seancën e rregullt të Qeverisë po shqyrtohet ribalanci i buxhetit, një hap kyç për rregullimin e planit financiar të shtetit. Ministrja e Financave, Gordana Dimitrieska Koçoska, bëri të ditur se ky ribalanc parasheh një korrigjim të deficitit buxhetor në rritje, i cili vjen si rezultat i nevojave për financimin e investimeve kapitale dhe projekteve infrastrukturore.
Sipas ministres, për herë të parë po ndodh një rritje e deficitit për shkak të përshpejtimit të shpenzimeve kapitale, një veprim që ajo e vlerëson si të justifikuar sipas Ligjit për Buxhetet. Ribalanci përfshin gjithashtu korrigjime në anën e të hyrave, veçanërisht sa i përket akcizës, si rrjedhojë e masave të marra në periudhën e kaluar. Ministrja njoftoi se akciza duhet të korrigjohet për rreth 1.5 miliardë denarë. Ky ribalanc, sipas Qeverisë, synon që në mënyrë më efikase t’i alokojë mjetet në sektorët që gjenerojnë rritje ekonomike dhe infrastrukturë moderne për qytetarët.