Sali: VLEN-i po dëshmon kapacitete qeverisëse

Qeveria po realizon projekte me interes shtetëror dhe nacional, një pjesë e të cilave po zbatohen në rajonet perëndimore të vendit. Hapja e temave me prapavijë etnike ka për qëllim të shembë funksionalitetin që po përpiqemi ta fitojmë si VLEN, ka thënë Sali. Ai theksoi se tema të tilla si protestat, provimi i jurisprudencës apo çështja e gjuhës shqipe po aktivizohen pikërisht në momentet kur, sipas tij, VLEN-i po dëshmon kapacitet real qeverisës. Mendoj se këto tema hapen për të dëmtuar raportet dhe për të minuar angazhimin dhe proceset që janë në favor të shqiptarëve, është shprehur Sali.

 

Sipas tij, rezultatet e deritanishme tregojnë se VLEN-i po arrin të realizojë projekte dhe procese që kanë munguar për vite me radhë, pavarësisht përpjekjeve për të krijuar tensione dhe ndasi politike.