Këshilli Gjyqësor, Daniela Dimovska, kryetare e re e Këshillit Gjyqësor

 

“Kam votuar për kandidaten Daniela Dimovska për kryetare të Gjykatës Penale të Shkupit, duke pasur parasysh raportin që e prezantoi kryetari i Komisionit. U përcaktova për të, sepse sipas meje, programi dhe plani i saj aksional përmbajnë risi në menaxhimin e Gjykatës Penale, ndryshe nga plani i kandidatit tjetër.”, - deklaroi anëtari i Këshillit Gjyqësor, Isamedin Limani. 

 

“Mund të them se gjatë intervistës kishte dallim në qasjen dhe në mënyrën e të kuptuarit se si duhet të menaxhohet gjykata. Gjyqtarja Dimovska kishte një vizion të qartë menaxherial se si duhet të jetë pozicioni i saj dhe si duhet të udhëhiqet gjykata.”, - theksoi anëtarja e Këshillit Gjyqësor, Danka Ristova.

 

“Për fat të keq, në këtë konkurs u paraqitën vetëm dy kandidatë, edhe pse e dimë se për këtë pozitë mund të aplikojnë edhe gjyqtarë nga gjykata të tjera. Kjo na krijon një perceptim se të jesh kryetar i kësaj gjykate është një përgjegjësi e madhe, sepse kjo gjykatë me kompetencë të zgjeruar mund të themi se është pasqyra e sistemit gjyqësor dhe e perceptimit që qytetarët kanë për të.”, - u shpreh kryetari i Komisionit për Zgjedhje, Ivica Nikollovski.

 

Dimovska para një viti është zgjedhur për u.d. kryetare e Gjykatës themelore publike Shkup. Paraprakisht ishte gjykatëse në Repartin për krim të organizuar dhe korrupsion pranë gjykatës së njëjtë.