PDT: Bëhet pjesë e koalicionit me VMRO-DPMNE-në

Shumicës parlamentare i bashkëngjitet edhe Partia Demokratike Turke, e cila do të jetë pjesë e koalicionit “Maqedonia përsëri e jotja”, që udhëhiqet nga VMRO-DPMNE.

Marrëveshja për përfshirje në koalicion u nënshkrua nga kreu i VMRO-DPMNE-së, Hristijan Mickoski, dhe ai i Partisë Demokratike të Turqve, Zulfikar Zejnulla.

Me këtë, sipas Mickoskit, koalicioni i VMRO-DPMNE-së do të ketë 59 deputetë në Kuvend.

Deputeti Bejxhan Ilijas në zgjedhjet e fundit parlamentare ishte zgjedhur në Kuvend si pjesë e “Frontit Evropian”, të udhëhequr nga BDI-ja.