Spanja më në fund pranoi gol, por seritë e jashtëzakonshme vazhdojnë

 

Herën e parë ishte në vitin 2010 në Afrikën e Jugut, ku mposhti Paraguajin në çerekfinale, më pas Gjermaninë në gjysmëfinale dhe në fund fitoi titullin botëror duke mundur Holandën në finale.

 

Spanja është gjithashtu kampionia e parë në fuqi e Evropës që arrin në gjysmëfinale të Kupës së Botës që nga viti 2010 – kur këtë e kishte bërë po vetë Spanja.

Po ashtu, spanjollët po kalojnë serinë më të gjatë pa humbje në historinë e tyre. Ndeshja kundër Belgjikës ishte e 36-ta radhazi pa disfatë, me 27 fitore dhe 9 barazime. Humbjen e fundit e pësuan në vitin 2024 nga Kolumbia me rezultatin 1-0.

Në historinë e Kupës së Botës vetëm dy herë ka ndodhur që një futbollist i ardhur nga stoli të sigurojë kualifikimin në minutat e fundit të ndeshjes. Në të dy rastet këtë e ka bërë Mikel Merino.

 

Në 28 ndeshje radhazi të Kupës së Botës, Spanja ka pasur posedim më të madh të topit se kundërshtari. Në këtë renditje, Brazili është i dyti me 14 ndeshje radhazi, seri e realizuar në periudhën 1966–1974.

 

Për Lamine Yamal, kjo ishte ndeshja e gjashtë në Kupën e Botës dhe ai u bë futbollisti i parë që arrin këtë shifër në moshën 18 vjeç ose më të re. Rekordin për më shumë paraqitje në Botëror si adoleshent e mban Kylian Mbappé me shtatë ndeshje, rekord që Yamal pritet ta barazojë ose ta thyejë në dy ndeshjet e ardhshme.