Gruevski: Dëmshpërblimi filloi, bujqit ti sigurojnë të mbjellat
Qeveria për të gjithë qytetarët në vend të cilët pësuan dëme nga përmbytjet pranverore siguroi 22 milionë euro...
Prej tyre 12 milionë euro do të ndahen për dëmshpërblimin e pronave, derisa dhjetë milionë do të investohen për rregullim infrastrukturor, ndërtimin dhe rikonstruimin e objekteve, rrugëve dhe urave të cilat u dëmtuan gjatë përmbytjeve.
Këtë e theksoi kryeministri Nikolla Gruevski i cili paradite i vizitoi komunat Manastir dhe Novac. Ai tha se në ditët dhe javët në vijim, siç paralajmëroi, do të dëmshpërblehen edhe qytetarët e tjerë, në komunat e tjera të vendit.
"Atë që në prill e premtova filloi me realizimin e 100 për qind të dëmshpërblimit të qytetarëve të dëmtuar nga përmbytjet pranverore. Sipas kësaj, e premtuara tashmë filloi të realizohet. Në këtë rast dua të theksoj një punë shumë të rëndësishme, se është shumë me rëndësi të gjithë bujqit ta bëjnë shprehi sigurimin e hapësirave bujqësore dhe të mbjellave", porositi Gruevski.