Vazhdon shqyrtimi i amendamenteve për ribalancin e Buxhetit

 

Shqyrtimi i amendamenteve po zgjat prej disa ditësh, ndërsa gjithsej janë dorëzuar 224 amendamente nga deputetët e opozitës – LSDM, BDI dhe Levica.

 

Deri më tani janë refuzuar mbi 100 amendamente, ndërsa janë pranuar dy, por në formë të ndryshuar.

 

Është pranuar amendamenti i LSDM-së, me të cilin kërkoheshin 10,5 milionë denarë për sigurinë sociale të grave në bujqësi, por shumica parlamentare pranoi që shuma të rritet vetëm me 2 milionë denarë.

 

Gjithashtu është pranuar edhe amendamenti i Levicës, me të cilin kërkoheshin më shumë mjete financiare për funksionimin e linjës kombëtare SOS për viktimat e dhunës në familje. Në vend të 5 milionë denarëve të kërkuar, Ministria e Financave pranoi të ndajë 2 milionë denarë.