Maqedonia në fazën e verdhë, temperaturat e larta deri më 37 gradë celsius

“Presim që në fazën e verdhë të jetë rajoni i Osogovës, Malishevës, rajoni i Pollogut, Ohrit, Prespës, ku në këto rajone presim temperatura më të larta gjatë kësaj periudhe kohore. Afër fazës së verdhë është gjithashtu edhe rajoni i Shkupit, por edhe rajoni i Pellagonisë”- deklaroi Lence Rizova nga Enti Hidrometeorologjik.

 

Për shkak të temperaturave të larta, nga Instituti i Shëndetit Publik në Maqedoni apelojnë të respektohen rekomandimet e përgjithshme për mbrojtje nga temperaturat e larta, duke shmangur ekspozimin e drejtpërdrejtë në diell në periudhën prej orës 11 deri në orën 17, konsumimin e ushqimit të lehtë dhe pirje sa më shumë të lëngjeve. Kujdes të veçantë duhet të kenë më të moshuarit, njerëzit e sëmurë kronik. 

 

Mot me diell dhe i ngrohtë do të mbajë edhe nesër, ndërsa të mërkurën dhe të enjten pritet mot jostabil, me reshje të shiut dhe bubullima në orët e pasdites, derisa temperaturat pritet të ulen për shtatë deri në nëntë gradë celsius. 

 

Ndërsa për ata që në ditët me temperatura të larta do të kalojnë në sheshin e kryeqendrës, do të kenë mundësi të freskohen në fontanën e saporregulluar.