59 sanksione në aksionin policor ndaj drejtuesve të motoçikletave dhe trotinetëve elektrikë në Koçan dhe Vinicë

 

Gjatë kontrollit u shqiptuan gjithsej 59 sanksione, prej të cilave: një ndaj një drejtuesi të trotinetit elektrik, 34 për drejtim motoçiklete pa helmetë mbrojtëse, një për skadimin e policës së sigurimit të detyrueshëm, një për regjistrim të skaduar të motoçikletës, tre për drejtim pa kategorinë përkatëse, një për drejtim nën ndikimin e alkoolit, dy për kundërvajtje të tjera të kryera nga drejtues motoçikletash dhe 16 për shkelje të tjera në komunikacion.

 

Gjatë aksionit u zbuluan edhe tre vepra penale, ndërsa tre persona u privuan nga liria nën dyshimin se kanë kryer veprën penale nga neni 297-a i Kodit Penal – drejtim i automjetit pa poseduar patentë shoferi. Njëri prej tyre është i mitur, ndërsa policia sekuestroi edhe tre motoçikleta.

 

Për të gjithë autorët do të parashtrohen kallëzimet përkatëse.

 

Kontrollet në komunikacion do të vazhdojnë edhe në periudhën në vijim.

 

Nga MPB apelojnë te të gjithë pjesëmarrësit në komunikacion që të respektojnë në mënyrë të përpiktë rregullat dhe dispozitat e komunikacionit, duke theksuar se vetëm me sjellje të përgjegjshme mund të kontribuohet për rrugë më të sigurta.