Mickoski: Protokollet nuk janë pjesë e kornizës negociuese

 

“Ne, si Qeveri, nuk vlerësojmë që protokollet janë pjesë dhe nuk duhet të jenë pjesë e Kornizës Negociuese. Ne e kemi pasur këtë mendim që nga dita e parë deri më sot. Fatkeqësisht, pikëpamja e palës tjetër është krejtësisht e ndryshme, dhe ajo pikëpamje është e tillë, për shkak të ekzibicioneve dhe kapitullimit të Qeverisë së mëparshme të LSDM-së dhe BDI-së dhe ekipit negociues.”, - deklaroi  kryeministri, Hristijan Mickoski.

 

Socialdemokratët reagojnë ndaj deklaratave te kryeministrit Mickoski. Sipas tyre, ekzistojnë dy Mickoski, një për publikun vendas dhe tjetri për atë ndërkombëtar.

 

"Njëri Mickoski flet në Maqedoninë e Veriut, tjetri jashtë vendit. Njëri ishte kundër NATO-s, tjetri sot pretendon se Aleanca është gjëja më e mirë për sigurinë dhe stabilitetin e vendit. Njëri premtoi të shfuqizojë Marrëveshjen e Prespës, tjetri sot e vlerëson atë si një sukses diplomatik.", thuhet në reagimin e LSDM-së. 

 

Deklarata e Mickoskit vjen në kohën kur në Parlamentin Evropian po zhvillohet procedura për miratimin e amendamenteve në raportin për Maqedoninë e Veriut.