Lojtari pezullohet deri sa kundërshtari i lënduar të rikuperohet

Mbrojtësi i skuadrës braziliane Internacional, Victor Gabriel, është dënuar me pezullim nga ndeshjet për një periudhë maksimale prej gjashtë muajsh ose deri sa lojtari që ai lëndoi, sulmuesi i Cruzeiros, Gabriel Pec, të rikuperohet nga thyerja e këmbës. Vendimin e mori Gjykata e Lartë Sportive e Brazilit.

Në ndeshjen ndërmjet Internacionalit dhe Cruzeiros, të zhvilluar të mërkurën e kaluar, Pec pësoi thyerje të pjesës së poshtme të këmbës në debutimin e tij për klubin e ri, pas një ndërhyrjeje të ashpër të Victor Gabriel.

"Autori i ndërhyrjes mbetet i pezulluar derisa lojtari i lënduar të rikthehet në stërvitje, por jo më shumë se 180 ditë", thuhet në arsyetimin e vendimit. Victor Gabriel shprehu keqardhje për ndërhyrjen e tij: "Ishte një incident i pafat. I kërkova falje dhe i ofrova ndihmë. E luta të më falte, ndërsa e vetmja gjë që mund të bëj tani është të lutem për të."