VLEN: Të ndërtojmë një shtet të drejtë

 

“Është përgjegjësi e të gjithë qytetarëve që këto vlera të ruhen dhe të avancohen, me synimin për ndërtimin e një shteti modern, të drejtë dhe të barabartë, ku çdo qytetar ndihet i respektuar dhe pjesë e së ardhmes së përbashkët. Vetëm përmes këtyre parimeve vendi mund të ecë me hapa të sigurt drejt integrimit në familjen evropiane”, - shkruajnë nga VLEN

 

 

 

“Marrëveshja Paqësore e Ohrit, si vazhdimësia moderne e frymës së Manifestit të Krushevës, po përballet me përpjekje të vazhdueshme për t’u zbehur. Sulmet ndaj përdorimit zyrtar të gjuhës shqipe, anulimi i mekanizmit që garantonte përfaqësim të drejtë dhe adekuat, sulmi dhe zbehja e mekanizmit për mbrojtje nga majorizimi, mosrespektimi i realitetit të regjistrimit të popullsisë, drejtësia selektive dhe promovimi i një koncepti monoetnik të shtetit janë sinjale shqetësuese për drejtimin që po merr vendi” - shkruan Ahmeti.

 

 

Edhe kryetari i LSDM-së Venko Filipce uroi 2 gushtin duke theksuar rëndësinë e kësaj feste.

 

“Kujtimi i Ilindenit ka vlerë të vërtetë vetëm nëse na shërben për të ndërtuar një të ardhme më të mirë. Prandaj po luftojmë për një Maqedoni në të cilën sundon ligji, jo interesi partiak. Ilindenasit luftuan kundër tiranisë së kohës së tyre. Sot lufta jonë është kundër korrupsionit, kundër izolimit dhe kundër patriotizmit të rremë që e mban shtetin në vend. Ne e kujtojmë të kaluarën. Por ne zgjedhim të ardhmen”, deklaroi kryetar i LSDM-së, Venko Filipce.

 

Edhe nga partitë e tjera politike në vend uruan festën e Ilindenit me shpresë për një të ardhme më të mirë në vendin tonë.