Evropë, vatra zjarri dhe viktima në disa shtete

 

 

“Gjithë jetën punojmë për të ndërtuar diçka, për të bërë diçka. Nuk jam njeri që qan, por kjo të bën të ndihesh keq. Është e vështirë ta shohësh. Por, do ta rindërtojmë”, deklaroi banori i Borakut, Zoran Bauçiq. 

                                                                      

Në Serbinë fqinje vazhdojnë të jenë aktive 40 vatra zjarri. Në aksion për shuarjen e zjarrit është përfshirë edhe Qendra Humanitare Ruso-Serbe.

 

“Zorra shërben për mbushjen e shpejtë të çantave me ujë, ndërsa makara mundëson që një zjarrfikës të punojë në distancë dhe ta shuajë zjarrin. Kemi edhe mjete për shuarjen e flakëve në tokë”, u shpreh shpëtimtari rus.                

 

Në Belgjikë, zjarri në rezervatin natyror Hautes Fagnes konsiderohet një nga zjarret më të mëdha në historinë e fundit të vendit. Flakët iu afruan kufirit me Gjermaninë, prandaj qindra njerëz u evakuuan.       

“Shumë njerëz i kanë braktisur shtëpitë e tyre. Zjarri ende nuk është nën kontroll, duhet ta rrethojmë, por kemi shumë probleme. Terreni është torfë dhe digjet lehtë. Në disa vende torfa është deri në gjashtë metra e thellë, kështu që zjarri nuk përhapet vetëm në sipërfaqe, por edhe nën tokë”, theksoi drejtori i Policisë Federale në Vejms, Harry Meyer.                                                                        

Në ndihmë kanë mbërritur edhe forcat ndërkombëtare – Suedia ka dërguar dy avionë zjarrfikës, ndërsa Holanda dhe Çekia kanë siguruar helikopterë. Në Spanjë është raportuar një viktimë gjatë përballjes me zjarret në Aragon, ndërsa Gjermania po shqyrton ndryshime në Kushtetutë për shkak të krizës klimatike.