UNT, regjistrimi i studentëve më 24, 25 dhe 26 gusht

 

“Prej sivjet kemi filluar me online aplikime, ato mund ta bëjnë edhe aplikimin online dhe shënojnë të dhënat e veta për ku janë të interesuar dhe shënojnë notat nga dëftesa dhe në këtë mënyrë shpejtohet procesi i regjistrimit. Atë ditë kur do të vijnë administratat dhe komisionet nëpër fakultete e kanë shumë më lehtë për shkak se i ka regjistruar të dhënat e veta, e kontrollojnë në sistem ia kontrollojnë notat dhe nuk pret gjatë dorëzimit të dokumentacionit.”, u shpreh rektori i UNT-së Bekim Fetaji.

 

 

Me vendim të Ministrisë së Arsimit numri i studentëve që do të pranohen në këtë universitet ulet për 500 studentë më pak në krahasim me vitet e kaluara.

 

“Në përgjithësi ne regjistrojmë diku 2360 studentë, sivjet Ministria e Arsimit na ka shkurtuar numrat e pranimit edhe pse me elaborate i kemi shumë më të mëdha. Domethënë numri i studentëve na është shkurtuar prej 1970 në 1360 diku 500 studentë më pak të pranojmë sivjet në krahasim me vitin e kaluar, ngelet tash të shohim edhe interesin e gjeneratave të reja tash ku më tepër do të orientohen.”, u shpreh Fetaji.

 

Sipas rektorit Bekim Fetaji studentët më shumë kanë interesim për drejtimin e psikologjisë, pastaj doganës shpedicionit dhe sigurimeve, informatikë, ekonomi, shkencave kompjuterike dhe inxhinieri dhe që në afatin e parë plotësohet numri i aplikimeve thekson Fetaji. Ai po ashtu bën të ditur se UNT ka future digjitalizimin e gjithë serviseve studentore, të gjitha fakultetet tashmë janë në një vend dhe referentët me një hapësirë. 

 

Përveç në UNT ditë më parë edhe Universiteti i Tetovës ka shpallur konkursin për regjistrimin e studentëve të rinjë për vitin akademik 2026/2027, ndërsa regjistrimi tanimë ka nisur edhe në Universitetin Shën Kirili dhe Metodi në Shkup. Në këtë të fundit me vendim të MASH është ulur kuota për regjistrim për dymijë student.