Përshkallëzohet lufta: Rusia godet Kievin, Ukraina kundërpërgjigjet

 

“Në përputhje me procedurat në fuqi, Komanda Operative aktivizoi forcat dhe burimet e nevojshme në dispozicion. Sistemet tokësore të mbrojtjes kundërajrore dhe mbikëqyrja me radar u vendosën në gjendje gatishmërie”, thuhet në njoftimin e ministrisë së Mbrojtjes së Polonisë.

 

Rusia po i intensifikon sulmet balistike ndaj Kievit, duke u përpjekur të shterojë rezervat e kufizuara të mbrojtjes kundërajrore ukrainase. Në të njëjtën kohë, Ukraina po kundërpërgjigjet me sulme me rreze të gjatë ndaj objektivave ushtarake dhe strategjike ruse.

 

 

Në Kiev po konsolidohen ndryshimet në sektorin e mbrojtjes. Parlamenti konfirmoi Khmarën si ministër të Mbrojtjes pas shkarkimit të Fedorovit, ndërsa pritet që ai të forcojë kapacitetet mbrojtëse dhe sulmuese të Ukrainës.

 

“Detyra kryesore e ministrit ukrainas të Mbrojtjes është të organizojë siç duhet sistemin tonë të mbrojtjes. Ai duhet të sigurojë gjithçka që nevojitet për zmbrapsjen e sulmeve ruse, ruajtjen e pozicioneve në front dhe për veprimet tona aktive”, deklaroi presidenti i Ukrainës, Volodymyr Zelensky.

 

 

Por derisa Kievi përballet me sulmet ruse, Moska po i ndien pasojat e sulmeve ukrainase. Në vend po shfaqet një valë e re mungesash të karburantit, ndërsa Putini pranoi se sulmet po i shkaktojnë dëme ekonomisë ruse.

 

“Është e qartë se ritmi i aktivitetit ekonomik është goditur nga disa faktorë, përfshirë edhe sulmet ndaj objekteve industriale dhe infrastrukturore. Këto sulme nuk kanë shkaktuar pasoja kritike, por gjithsesi po na shkaktojnë dëme”, u shpreh presidenti i Rusisë, Vladimir Putin.

 

Autoritetet e Moskës tashmë kanë filluar shpërndarjen e racionalizuar të karburantit dhe po vendosin kuota për shitjen.